幾個月前，差唔多日日都有新型騙案，咩扮郵差叔叔呀扮煤氣公司職員呀咁，搞到大家心慌慌。隔咗一排，騙案又再老是常出現喇！

最近有網民喺旺角新世紀下面間化妝品店見到個大肚婆跪咗喺地下，前面張大字報就寫住「一个孕妇的无奈」，話自己畀老公呃落嚟香港生仔，但個衰佬就同第個女人走咗佬，可憐嘅自己冇晒錢唯有跪喺度乞求好心人畀錢佢返鄉下乜乜乜咁喎。

點知呢位網民喺始創，又見到另一個大肚婆跪喺地下，而佢哋聞者傷心聽者流晒馬尿嘅史詩式故事係一！模！一！樣！㗎！

嗱，唔係吹水㗎，仲有另一位網民都喺旺角銀行中心附近見到用同一款大字報嘅大肚婆呀。

咦，加咗價喎，原價$480做咩而家要$880㗎？乜返鄉下嘅車錢加價加得仲快過港鐵嘅喂？

封面圖片來源：Candy Kwok

資料來源：Candy Kwok、Leung Tikfai‎/小心駕駛(討論別人駕駛態度)