前排個TSA公證會，吳局長話有私人理由所以出席唔到喎：

點知噚日就畀傳媒爆咗出嚟，話原來局長係去咗日本旅行，所以開唔到會呀！

咁又啱嘅，而家啲Yen咁平，又係睇紅葉嘅季節，身為局長又肯定樓已上唔使慳埋慳埋啲錢，去日本旅行是常識吧！反正啲學生年年都要考TSA㗎啦，紅葉得呢個時間有得睇咋喎！梗係去咗先講啦！聽講佢星期五又會請假去新加坡喇！唉，原來局長有咁多假放嘅，早知毛毛細個都讀多啲書，考好個TSA啦！

話時話，之前吳局長講過佢自己係用坐飛機嘅時間嚟睇書，吖唔係，係雜誌先啱！香港飛日本就要差唔多四個鐘，咁即係話局長又睇咗四本書喇！毛毛都要努力啲，睇多啲臉書，追上吳局長嘅進度先！

封面圖片來源：news.sina/now

資料來源：now 、icable-news 

回帶：【這就是霸氣】吳克儉：一個月睇30本書 濕濕碎啦！