毛毛由細到大，都收過唔少信㗎，不過主要都係腦細畀我嘅警告信啦，至於情信喇喎……嗯，都有寫給自己的情書嘅～點似得呢個住喺英國嘅鬼仔可以收到女朋友寄畀佢嘅信咁好吖！

不過封信入面寫嘅竟然唔係綿綿嘅情話，而係線索？！線索一就係叫男朋友pack好啲行李帶返工，因為知佢唔會返屋企喎（被消失前通知？）～仲叫男朋友放工前先好拆第二封信～而家扮福爾摩西定玩City Hunt先？不過點都好啦，女友叫到都冇理由唔做嘅！

好喇，第二封信嘅線索係叫佢揸車到火車站，然後搭2點17分班車去一個唔知咩廟嘅站（毛毛雞腸都唔識多隻嘛），又叫佢上到火車先好拆第三個封信～

第三封信嘅線索係叫佢搭14點55分嘅機場巴士，然後去到機場就打開第四封信！又揸車又搭火車又搭巴士咁，真係仲難玩過City Hunt呀！

最後一封信，謎底終於解開喇！原來女朋友搞咁多嘢係想男朋友飛去愛爾蘭都柏林搵佢呀！！真係好sweet呀！！

其實簡簡單單直直接接一句咪得囉，點解要搞咁多嘢啫，女人真係鍾意簡單複雜化（好似係）～by the 威，有個咁靚嘅女朋友，你叫毛毛飛出宇宙都肯啦！不過都係嗰句啦，首先毛毛要有……吖嘛……嗚嗚～不要再說了.jpg

封面圖片來源：metronews
資料及圖片來源：metronews