去日本旅行就係廢青，咁去日本做嘢應該唔廢喇啩？有位喺日本做嘢嘅港人，見到香港呢排發生咁多事，都忍唔住寫篇文抒發下感受。毛毛見篇文寫得真係好令人滾動，忍唔字要同大家Share下。(DD long but pls read!!!)

一開頭，已經好唏噓⋯⋯原來嗰個好好住嘅香港，已經係Past Tense。

咁香港到底有乜好？

第一，坐車方便，周圍都有車搭，幾夜都有紅Van，而家仲話有洗頭艇?，出境都咁方便，邊有得輸呀！

第二，周圍都係舖頭，食嘢？落樓下囉！買餸？去街市囉，又平！生果檔阿姐又會話街坊街里，大家咁熟平幾蚊又點話！只可惜，好多街市都已經被領匯進佔，小店都捱唔住貴租。

第三，講讀書，唔使問啦，不過，而家啲小朋友仲勁，細細個就操到大。

最後講玩啦，以前得閒就行MK Hea下，但而家？MK係香港人去㗎咩？想話留喺屋企上網睇下啲巴打改圖改歌啦，Sor9ly，網絡23條一通過，乜L都冇得睇。

懷念完香港嘅美好，呢位大大終於忍唔字爆Seed，毛毛好認同其中一句：其實香港人想要嘅生活好簡單，點L解成日都要搞9我哋，簡單複雜化先？

冇錯，唔愛呢個地方嘅話，真係鬧都廢事鬧，聲都廢事出，多謝呢位大大身在日本都咁關心香港，我哋會努力，維護我哋所認為啱嘅價值觀，爭取應有嘅自由。

毛毛都會同大家一齊努力！老套都要講呀，共勉之！

全文及封面圖來源：25歲，我去左日本做野，點知⋯⋯