喂，電視都有講啦，活家禽唔畀自己帶出或者帶入境是常識吧！但如果真係好有急切需要冇咗隻鴨就會死嘅話咁點做好呢？嗱跟呢個強國大媽學下嘢啦！

嘩搞咩成地都係血呀！原來係個大媽知道咗唔畀帶活鴨上火車，於是即刻用自己嘅方式，喺四川火車站度將隻鴨就地正法呀！（話時話，隨身袋住隻活鴨係咩玩法？寵物小精靈真人版呀而家？）

隔離個乘客見到呢一幕個心都離一離，大佬你估個個都係黃一飛可以成盆係血，當佢冇事咩！你有想過鴨的感受嗎？冇呀，因為你只係諗到你自己！不過講真嘅，呢個大媽又真係幾醒(好似係)！生勾勾嘅唔畀帶，整死佢咁畀帶喇啩？佢仲要即場問人借咗把刀仔去劏鴨?！咁有諗頭，你玩晒啦！

唔通前排個大媽喺公廁度劏魚又係因為呢個原因？唉毛毛都唔知呀，可能毛毛鬼仔性格啦，呢啲是咪就係叫做天生天養，去到邊都可以當係自己屋企呀？

封面圖片及資料來源：四川新聞網                        

回帶：【善用土地】強國大媽公廁劏魚