毛毛係愛清潔嘅小白兔嚟㗎，最鍾意洗白白！頭先聽到啲港女同事話咩而家冬天唔使日日沖涼，唔使出門口就3日唔洗頭仲要覺得自己好威威咁，真係聽到都食唔落lun廚呀。

車都有靈魂，車都需要愛，車都要洗白白㗎！嘩車仔，做咩塊面仲黑過毛毛腦細呀？係咪啱啱畀上司鬧完，嚇到一面屁呢…… 你睇你，污糟到人哋見到都忍唔住出手溫馨提示你要洗面喇。

Between，寫「洗車啦」、「好污糟」呢啲毛毛都明呀，唔知又關反清復明咩事呢…… 咦唔係喎，睇真啲，好似係寫住「反復明清」？「反明復清」？「反復清明」？點解就係冇「反清復明」嘅喂？

有網民都post咗自己架愛車畀人畫花嘅相出嚟呀，不過毛毛一啲都唔戥佢慘，仲好葡萄，因為……佢話係佢女朋友豬寫落去㗎……55。你叫冇車又冇女嘅毛毛情何以堪呢？

毛毛畀你搞到心情好差好差呀，都係搵架污糟車寫下字等自己心情好啲算喇……呢架車就有排毛毛寫喇～yeah！

封面圖片、資料來源：小心駕駛(討論別人駕駛態度)　

延伸閱讀：停著也中泥