今日毛毛想教大家整一張世界級嘅生日卡。嗱首先你要有一大堆卡紙同工具：

然後運用你厲害嘅剪貼技巧，整咗個生日蛋糕做底：

跟住再次運用你厲害嘅剪貼技巧，將啲之前已經用卡紙整好咗嘅卡通人物貼晒上去張卡度：

就係咁，一張世界級嘅生日卡就完成咗喇！是咪極之簡單呢！只要你整手工叻就得㗎喇！講開又講，其實呢張卡係一個台灣網民整畀佢嘅女朋友嘅，本身已經年年都整開，錫到個女朋友燶㗎喇！

之不過因為今年啱啱註咗冊，個網民想畀個驚喜佢女友，所以咪整咗呢張卡出嚟氹女囉！佢仲話自己為咗呢張卡都唔知通咗幾多個頂呀！嗯，係幾靚幾有心機嘅，不過一諗起呢個世界有人整手工咁叻，仲要有女朋友，毛毛真係灰都9埋......冇嘢嘅話，毛毛都係出去睇眼科先喇，畀呢個post閃親呀唉。

封面圖片及資料來源：PTT