愛護動物，唔係大大聲話自己愛護動物就得㗎，仲要身體力行嘅～好似南韓呢位婆婆咁，佢就係一個好好好好好榜樣喇！

話說南韓都有唔少流浪狗，如果啲狗狗唔小心畀人捉到，就會變咗做狗肉煲、或者要一啲都唔安樂嘅安樂死㗎喇！不過好彩有呢個愛心婆婆，啲狗狗嘅生活先可以完全唔同晒咋！

愛心婆婆26年嚟養咗超過200隻狗狗，雖然婆婆唔係咩大有錢婆，平日只係做清潔同執紙皮箱維生，但佢話，只要見到啲狗仔可以自由自在咁喺度玩，佢就好開心嚕～

如果知道狗狗畀狗販捉咗，婆婆仲會買返佢哋返嚟?！唔止呀，佢仲為咗狗狗嘅寶貴生命，寧願自己著舊衫，畀人笑似乞衣都唔介意......

所以班狗狗都好聽婆婆話，婆婆一叫佢哋埋嚟，佢哋就即刻好熱情咁跟住佢，睇下啲狗BB幾鍾意婆婆～

而當地嘅有心人都好欣賞婆婆嘅善心，有時都會捐食物同錢畀婆婆支持佢。

唉，其實每次毛毛睇到棄養貓狗、殺害動物嘅新聞都會覺得好心悒，而家見到班狗狗咁打耳可愛、婆婆又笑得咁靚，個心都即刻warm返～希望第時有更多好似呢位婆婆咁好心嘅人，畀我哋睇到更多呢啲溫暖畫面啦！

【心痛慎入】：《星期三港案》3/2 殺害動物協會?

資料及封面圖片來源：mashable​