2016年03月09日 星期三
【勵志】狗狗火場大難不死 變做名譽消防員
以前毛毛好傻好天真㗎，成日以為人哋手臂有條疤就實係刀疤強，連望多人哋一眼都淆晒大底，但就冇諗過，疤痕背後，可能收埋一個好感人嘅故事！
就好似美國呢隻狗狗Jake咁，唔好睇佢成身都係疤痕，就以為佢同其他狗狗打爛仔交搞成咁呀，其實佢係因為喺一場火災入面燒傷咗7成皮膚呀。
舊年有一日，消防員Bill Lindler喺火場嘅梳化底救返Jake出嚟，當時Jake已經冇咗呼吸，郁都唔郁，阿Bill諗都唔諗，就即刻同佢做人工呼吸！ 唔好嗌核突呀，唔係阿Bill，Jake可能已經做咗燒豬仔喇！
之後Jake畀人送咗去獸醫診所，但過咗幾個星期，都冇人嚟帶返佢返屋企，於是阿Bill就決定做佢新屋企人喇！等Jake好返晒之後，阿Bill仲開始帶埋佢返工，一齊去學校教小朋友唔好玩火～舊年12月，Jake仲受封做名譽消防員消防局官方吉祥物呀～！
孔子都講過啦，What doesn't kill you makes you stronger呀嘛，唔明雞腸？每次殺不死你殺不死你也醫好你呀！
封面圖片、資料來源：The Dodo
＜勵志系列＞
