E神都有唱過啦：每張，都罕有。人生入面所有重要嘅大事，好似畢業、結婚、生仔咁，瘋狂影相是常識吧！但估唔到原來狗仔大肚，都有得影大肚寫真㗎！

呢隻狗仔就幸福啦，有個好錫佢嘅主人不特止，仲有個巴西攝影師專程嚟到幫佢影靚靚相！你睇下佢，戴住朵花幾咁招積！

不過原本個攝影師都驚隻狗仔會唔習慣面對鏡頭㗎，點知拍咗廿分鐘度，隻狗仔好似同佢建立咗默契咁，愈拍愈有自信，愈拍愈enjoy呀！

喂，阿狗媽媽，你個樣會唔會太幸福太開心呀？閃到毛毛就嚟盲喇！唉，連一隻狗仔都幸福過我，你話喇，呢個世界，公平咩......？

封面圖片及資料來源：boredpanda