毛聊IQ題：亞古獸進化咗就變暴龍獸，咁港女進化咗會變做咩呀？咪港媽囉！話明進化咗吖嘛，咁攻擊力自然都會提升㗎啦！就好似呢位港媽咁，就擺埋佢個超盡（即係children）上檯，去攻擊呢位空少喇！

睇嚟呢位空少平時都幾訓練有素，防禦力都有返咁上下，無懼呢位港媽嘅言語攻擊，都依然咁有禮貌，係專業喎！不過呢位港媽未為佢個寶貝仔爭取到兒童餐，又點會咁易罷休吖！不過點都估唔到，呢位空少竟然用歧視條例K.O.呢位港媽！

唔係講笑，呢位港媽真係幾有老佛爺出巡嘅霸氣，講嘅說話仲有幾分「見到我個皇帝仔仲唔識下跪」嘅味道?，可惜人哋係空少，唔係你奴才呀，唔會見到你個皇帝仔就會有兒童餐自動奉上㗎！其實人哋都係打份工嘅啫，想人serve得自己好啲，都要你deserve先得嘅！

封面圖片、資料及圖片來源：豆腐空少的飛行日記