之前正苦就撥款資助起咗冚世界第一條香港漫畫星光大道，話要向世界推廣香港嘅漫畫業、建立香港漫畫嘅世界地位同形象，又話要表揚香港漫畫家嘅成就呀咁，真係聽到都覺得好有意義（張柏芝我係真心㗎.jpg）！

就喺今年一月尾咋嘛，「香港漫畫星光大道2期」先至重新開幕，仲請咗蘇錦樑做主禮嘉賓?～

之不過，最近阿讀者Nikson Wong去完參觀呢個「香港漫畫星光大道2期」之後，啲展品竟然嚇到佢個心離一離......搞咩啲公仔塊面度咁多一條條黑色線嘅喂？！

是咪甩色呀？定係落完墨汁雨呢？

搞到阿讀者都忍唔住問點解啲展品保養可以差到咁！唉，如果畀啲作者見到個親生仔女搞成咁，真係怨都眼埋咯......

btw，其實計毛毛話，呢啲應該係特別嘅打陰影或者黑線技巧啫，絕對唔會係主辦單位連少少保養都唔做，咁唔尊重班作者sss嘅！

咩啫？你哋平時打開本漫畫，間唔中都會有黑色一間間㗎啦，只不過而家係平均分佈咗喺角色塊面度咋嘛～55！

封面圖片來源：攝影大師Nikson Wong

資料來源：Hong Kong Avenue of Comic Stars 香港漫畫星光大道、攝影大師Nikson Wong