曾經有位女同事同毛毛講，佢好鍾意男朋友扮狗嚟氹佢，佢話好打耳喎......毛毛就睇唔透嘞。唔知係咪冚世界嘅人都有鋪扮寵物癮，搞到台灣一間學校都要出個咁嘅告示......

呢間學校叫啲同學仔唔好喺街學寵物叫，話學寵物叫係唔自重唔自愛喎，仲話唔好畀機會人哋恥笑自己喎......係囉，實係啦汪汪，扮寵物叫呢個行為真係好唔要得呀喵！

btw，跟校規處理？毛毛真係想知邊間學校會有校規寫明唔畀喺街扮寵物叫。又btw，咁是咪即係唔喺街扮，喺學校扮就ok喇？

即係咁，毛毛覺得你唔畀同學仔做呢樣嘢，你都畀返個建議人哋吖！好似呢個學校咁，唔畀同學仔喺宿舍食煙，就建議同學仔去隔籬學校度食......嘩，幾L有建設性呀！

延伸閱讀：吸煙？請過隔籬學校吸

封面圖片來源：●【爆廢公社】●

資料來源：●【爆廢公社】●、台灣蘋果日報