而家啲酒樓成日愈出愈多花款，有時望住張點心紙，毛毛都睇唔透，睇唔透呢個世界仲有咩我係掌握到……好似呢款點心，到底係筆定春卷呀下？

可能毛毛讀書少啦，估唔到除咗點心紙睇唔明之外，毛毛連酒樓啲招聘廣告都睇唔明呀唉……

是咁的，有網友行過見到間酒樓貼咗張請人海報出嚟，請嘅職位竟然係……點心細不貼式？嗱嗱嗱，毛毛冇7到咁嘅，隻隻字我都識解㗎，之不過合埋一齊之後就……唔L識咋嘛！咩叫不貼式呀？毛毛淨係識三點式……好彩有神人幫手解答啫！原來細不貼式係解冇分位置嘅替工呀！

睇完之後真係長知識鳥，估唔到飲個茶背後都有咁多學問㗎喎！唉，講講下又好想去飲啖茶食件包?！

圖片來源、資料來源：Dennis Anderson/小心駕駛(討論別人駕駛態度)