揀得做主人，你就要做一世！無緣無故棄養寵物者落地獄，毛毛講嘅。最近，有市民喺竹園村附近嘅垃圾桶度發現咗一隻被遺棄嘅兔仔，隻兔仔當時仲要畀膠袋綁住咗條頸......

即係咁，其實棄養已經夠pk，但呢隻兔仔嘅前主人仲要賤到抌佢落垃圾桶、用膠袋綁住佢條頸兼夾冚埋個垃圾桶蓋......老實講，見到隻兔仔咁樣樣屈喺垃圾堆中間，有啲人性嘅都會覺得心悒啦下話？毛毛真係唔明點解可以有人連咁殘忍嘅事都做得出。

聽埋執返隻兔仔嘅好心人點講：

原來呢隻兔仔嘅前主人係因為隻兔仔健康有問題，所以先唔要佢......

真係除咗「好自為之」之外，毛毛都冇咩想同嗰條hihi講......而家希望呢隻兔仔有新主人嘅愛心加持之後，可以舒舒服服咁過日子啦。

圖片及資料來源：Jessie Tong