2016年06月08日 星期三
【人類總是…】日本仔煮浴室粒菇嚟食之後疑似中毒？
生菇嚟講，最重要係即刻影返張相post上網，如果唔係，咁粒菇嘅存在就會變得冇意義！最近，有位成功喺沖涼房種出菇菇嘅日本網民都唔執輸，影張粒菇菇嘅相上2ch討論區度威下先～
有疑似菇事專家嘅網民一見到張相就留言話，呢粒係舞茸嚟㗎，叫佢唔好嘥，快啲食咗佢喎……
估唔到呢位成功種到菇嘅網民又真係即刻煮咗粒菇嚟食，仲post埋自己食咗粒菇一半嘅相畀人睇?～
可惜隔咗一陣之後，佢就話自己個肚有啲痛，要瞓陣。而一眾食花生關心佢嘅網民就梗係喪留言問佢係咪中毒、而家覺得點樣樣啦～不過，樓主就一直冇再覆過cm喇……btw，你哋做咩要笑人啫，起碼人哋唔係煮都唔煮，就咁啪落口吖～人哋識得煮過先食已經好醒目仔㗎喇，55！
圖片及資料來源：2ch
菇菇老是常出現系列：
