作為一枚高級兵仔，除咗要閒時課金畀女神之外，梗係仲要定期喺佢嘅挨豬畀like啦！老老竇竇，女神啲甫士係就係嚟嚟去去都係嗰幾味，但女神靚吖嘛，就算係普通女仔擺返同一個甫士，都未必做到女神嗰種隔住個mon都聞到嘅仙氣啦，更何況係幾條麻甩佬！竟然咁大膽走去學女神擺甫士呃like，得罪講句，節省少少啦好冇？

女神揈嗰啲呢就叫秀髮，你男人老狗揈嗰啲係獸髮咋！

就算女神敷住塊mask，毛毛都知道mask下面嘅係女神為毛毛keep住嘅顏值啦，男人老狗咁敷咩mask吖！

女神嘅挨豬永遠都有一個唔出樣嘅密友，有時喺係酒店嘅獨照見到佢個影，有時又喺車度見到佢半隻手咁，就係永遠都見唔到佢個樣，毛毛有時都會幻想嗰個人其實就係自己，不過如果係相入面位麻甩佬拖住嘅就免喇！

夏天，為毛毛帶嚟女神同佢班姊妹sss嘅美腿，但同樣嘅甫士，毛毛就真係丁唔落呢班麻甩佬囉好冇！

如果你睇完呢堆相，覺得自己有啲扯扯哋…個拳頭，就代表你已經pass咗個gay test喇！
 

封面圖片、資料及圖片來源：brosbeingbasic/instagram