李白曾經講過，屙SSS係一個人最relax嘅時候。無論係你嘅內心，定係你個括約肌，都可以喺屙SSS嗰陣時得到最大嘅放鬆，喺呢個毛文，你知道，你要爆喇！！嘩X咪住先，邊個放個老麥叔叔公仔喺廁所門口呀！

大佬我都係去個廁所啫，又唔肚餓，唔使派個藍藍路嚟監視住呀！Between，有冇人覺得佢好似一直笑，笑到你心裡發寒……唉咁搞法真係原本急都嚇到縮返入條腸度呀。明明去廁所嗰陣係人性最脆弱嘅一刻嚟㗎嘛，點解硬係有咁多人鍾意搞搞震㗎？

講到鍾意搞事，又黠少得我哋偉大嘅母親。佢哋最鍾意喺你毫無防範嗰陣衝嚟搵你，就好似呢個日本網民嘅阿媽咁，喺個仔沖涼嗰陣問佢啲水夠唔夠熱，唔講仲以為拍緊鬼片呀，啲水原本熱都畀你搞到溫度急劇下降喇媽！

仲有呢個台灣網民呀，佢個仔失驚無神喺佢屙SSS嗰陣伸個頭上嚟，嚇到老竇啲SSS一下子噴晒出嚟，完全表現到咩叫嚇到標SSS。嗯，毛毛隔住個mon都覺得好臭，冇咩事我出返去開個抽氣扇先。

圖片來源、資料來源：張宏年

＜直擊人性脆弱一刻＞：【咒怨2.0】阿媽你唔好企喺門口度睇我沖涼啦 嚇死人咩！、

【嚇到Billsss】去廁所見到門外面咁樣樣......