呢排興啲咩？唔使毛毛講啦下嘛，梗係全宇宙都玩緊嘅Pokemon go啦！之不過當個個都掛住去捉虛擬嘅小精靈嘅時候，有外國網民居然因為呢隻game而捉到堅﹒小動物呀！

是咁的，話說呢兩個住喺美國嘅小精靈訓練員諗住去公園度睇下有冇小精靈可以捉，點知都未開始玩，就見到前面有個藍色坐標……啊Sorly，應該係籠至啱。個籠入面竟然有27隻堅﹒倉鼠喺度呀！

有冇搞錯，最近天氣咁熱，就咁放啲動物喺條街度，唔好話倉鼠啦，小哥達都死啦！好彩呢兩個小精靈訓練員好有心，喺原地等咗幾個鐘都唔見有人嚟認領班倉鼠，就帶晒佢哋返屋企照顧住先，遲啲就再等人嚟領養，做隻開心嘅哈姆太郎！

Between，其實呢隻game除咗幫到啲流浪動物之外，仲同時可以係發達良機嚟㗎！

呢兩個後生仔就係知道咗呢個地方係捉小精靈嘅熱點，於是專登搞咗個小食部，啲訓練員捉到又餓又口渴，咪會幫襯佢哋囉！不過講咁多都冇用，因為香港到而家仲未有得玩呀！這些機會！！

圖片來源、資料來源：YuleGoat Sara、Waterclean／reddit