波音蝠GET！傻鴨GET！小火龍GET！講起Pokemon Go，大人細路都夠晒興奮呀，雖然係要放工放學先有得玩，都有得玩都已經好幸福喇。你有冇諗過，地球另一邊嘅小朋友，佢哋嘅慘況，唔係冇得捉小精靈咁簡單，而係要飽受戰火煎熬？

喺敍利亞，一個叫做「Revolutionary Forces of Syria」嘅團體幫當地兒童影咗輯相放上twitter，希望借呢鼓直捲全球嘅熱潮引起大家注意。

相入面嘅小朋友都拎住唔同嘅小精靈，紙上面仲寫住「There’s a lot of Pokemon in Syria…Come rescue me!」希望大家捉小精靈之餘，都唔好忘記世上有一班等待救援嘅小朋友。

除咗影相，Revolutionary Forces of Syria仲PS咗啲小精靈落經歷戰火摧殘嘅地方度，等大家可以想像下，如果換轉係現實中嘅小朋友，佢哋又承受緊幾大痛苦呢？

如果世界上嘅天災人禍都可以輕輕拋個精靈球出去就收服到，你話幾好呢？

封面圖片、資料來源： RFS_mediaoffice／twitter 、The Guardian