眾所9知，一眾尊貴嘅主子平時係有幾咁難服侍……唉，有時想抱下佢哋都會畀佢哋咬9毛毛呀！不過，外國竟然有位主子唔搞到啲奴才投晒降不但止，佢仲主動向奴才投降喎～

咪郁！舉高雙手！

喂咪住先，你叫我咪郁，我又點舉高雙手呀喵？！

話說，呢隻成日舉高雙手嘅貓貓就叫做Goalkitty，佢主人Peter都話唔知點解Goalkitty會有呢個咁奇怪嘅習慣㗎。而Peter每次一見到Goalkitty一舉手，就會即刻影低放上Goalkitty個facebook page度～聽講Goalkitty個page而家已經有成差唔多一千個fans?，真係巧威威！

到底點解Goalkitty會成手舉手㗎呢？唔通佢跳緊藍藍路？

btw，主子嘅事你哋班奴才就唔好理咁多啦，主子鍾意做咩就做咩，幾時到你哋管啫！

圖片及資料來源：GoalKitty