比卡超塊面圓碌碌又紅卜卜，見到都想啜啖呀，佢瞓覺嗰陣仲要捲埋成嚿麻糬咁，真係好想一啖咬落去呀……唔好話毛毛殘忍呀，其實毛毛係想試下呢款澳洲新出嘅Pokemon漢堡包咋！

悉尼一間漢堡包店Down N' Out最新推出咗Pokemon漢堡包「Pokéburg」，有比卡超、奇妙種子同埋小火龍三款造形，一次過滿足晒訓練員三個願望呀！

呢款Pokéburg 噚日先推出，今日開舖一個鐘已經賣晒喇！嗚呀，悉尼嘅訓練員真係好幸福呀，唔知香港有冇類似嘅嘢食畀訓練員補給下呢？

封面圖片、資料來源連結：Down N' Out、BuzzFeed