除咗愛情之外，呢個世界最唔可信嘅，應該都係上網買嘢喇！有台灣網民就諗住喺淘寶買條靚靚連身裙，點知最後竟然中咗個大伏呀！

圖文不符毛毛都試過好多次，但不符到呢個程度，毛毛都真係第一次見……

係呀，個淘寶賣家送咗呢套兩件頭嚟畀個網民呀！唔會嘅，幻覺嚟嘅啫，嚇我唔到嘅！一定係毛毛眼睛業障重！呢兩套衫，肯肯定係一樣嘅！係毛毛唔識fat唇，睇唔透啫！好彩呢個網民都好樂觀，橫掂有新衫，咪照著囉！

點知著咗上身先發現，乜咁似食夢獸嘅喂？

毛毛讀書少，呢啲是咪叫做一波三折呀……不過正能量啲諗，原本買一件變兩件頭，仲可以拎埋嚟cosplay，賺到啦喂！咁樣諗會唔會開心啲呀下？

圖片來源、資料來源：Helena／PTT