平時毛毛碌IG，見到啲女神明明話自己啱啱瞓醒，但係都可以好似set晒頭，化行妝，靚靚咁瞓喺張床上面自拍，都覺得好奇怪㗎喇！唔通佢哋都同呢個日本妹妹一樣，一起身就有個阿哥幫手扮靚靚？

妹がいつまでたっても起きないからいたずらしてみた pic.twitter.com/3qQtltBpwY

— しゅーな (@Ochi2822Ssr) 2016年8月25日

呢個阿哥因為細妹勁爛瞓，朝朝都唔願起身，又叫極都叫唔醒，所以就諗住幫佢整啲古靈精怪嘅髮型再影相放上網，整蠱佢囉！

但係要咁樣逐執逐執頭髮整，真係少啲耐性都唔得喎……老老竇竇，阿哥你咁樣係整蠱細妹，定係整蠱緊你自己呀？

去到後期，呢個阿哥唔單止淨係整到啲頭髮一執執，仲開始進化到有埋圖案，再咁落去，遲啲會唔會整埋幅蒙羅麗莎出嚟㗎下？

Any肥，其實毛毛真係覺得好有心機㗎，I mean 個細妹呀！日日瞓喺度畀阿哥咁樣樣整髮，真係少啲耐性，少啲頭髮都搞唔掂呀！55。

圖片來源、資料來源：Ochi2822Ssr／twitter