次次同親戚朋友啲BB玩，都會覺得佢哋真係巧打耳，打耳到會當佢哋係自己生嘅咁錫，甚至想帶埋返屋企慢慢玩！不過BB個老竇老母呢個時候實會話：「你拎去啦你拎去啦！我今晚有覺好瞓！」聽講BB呢家嘢，玩人哋嗰個就好玩，到自己湊就會覺得好辛苦好激氣，到底係咪真㗎呢？

日本呢班Daddy媽咪就唔直接答你，用例子答你喇。最近日本twitter有個熱潮，就係post自己喺湊小朋友嘅時候，睇漏一眼就發生嘅悲劇上網，只要search「#育児なんてほんの一瞬目を離したらこう」呢個tag就會搵到好多精彩作品㗎喇！

BB天敵－紙巾＆尿片

唔係睇到呢啲相，毛毛都唔知原來BB天生就同佢哋日日都要用嘅紙巾同尿片有血海深仇！趁媽咪擰轉面，就起勢咁掹出嚟扔到一地都係！如果BB識講嘢，應該想話：媽咪，係紙巾巾郁手手先，唔關我事事㗎！

未來藝術家

每個小朋友都有潛在嘅藝術細胞，睇下有冇畀人發掘出嚟嘅啫！唔好以為佢哋亂咁畫呀，其實好有可能係畫緊佢心目中嘅屋企人！

邊個話貼紙一定要黐喺簿上面？黐喺塊面度咪仲好玩！大人好多時都畀無形嘅規則框住，但小朋友就識得發揮創意，鍾意點玩就點玩喇。

破壞之王

小朋友有名你叫化骨龍，破壞力梗係有返咁上下啦，唔想啲化妝品遭殃，下次記得收好啲喇媽咪……不過聽講小朋友好奇心都一樣好強，無論收得啲嘢幾密，佢哋一樣搵得到！

理解不能

雖然我哋都曾經係細路仔，但細路仔嘅世界又點會係我哋咁易理解到呀。匿入洗衣袋、坐落電飯煲、爬上洗手盆，到底有咩玩，真係得BB自己先知…… 雖然湊BB係好攰，媽咪成日都會講笑話送畀朋友玩就算，不過心入面一定覺得自己個BB係最打耳嘅！

封面圖片、資料來源連結：twitter