聽講啲女人就算唔化妝都好，都一定要畫靚條眉（同埋戴大眼con）先肯出街嘅，由此可見，眉毛對一個人嚟講係幾咁重要呢！而最近，竟然有台灣網民拎條眉嚟同fd子輸賭，話輸咗就剃晒條眉喎……嘩！乜玩到咁大呀？而家就等毛毛同大家一齊食下花生先！

喊出嚟！係堅．無眉娘呀！

你哋以為呢位網民畀人剃咗條眉已經夠慘咩？其實再慘啲都仲有……佢個hihi fd子竟然剃完佢條眉都未夠，仲要喺佢光禿禿嘅眉骨上面用marker畫上各式各樣嘅眉毛？

我唱得不夠動人～你別皺眉～喂，哥仔你唔好成日皺住條眉先得㗎，烏蠅都畀你夾得死喇！

嗯，呢條眉有股淡淡的哀傷。

嘩，連山治條眉都出埋，你位hihi fd子又幾有創意喎～不過作為《One Piece》嘅芝心粉絲，毛毛要提提你，山治兩條眉個卷卷仲喺右邊㗎！

最後係兩津勘吉眉。

any肥，其實而家佢啲眉毛已經完完整整咁生返出嚟㗎喇～咦，咁咪即係佢又有本錢同fd子打賭過囉？毛毛希望佢條眉可以次次都生得返出嚟啦，55。

資料來源：dcard