作為一個皮膚差嘅人，真係冇嘢多，最多就係黑頭！為咗去黑頭，毛毛真係咩方法都試過咁滯，用砂糖磨沙呀、敷雞蛋白呀、淨係用清水洗面10日呀呢啲都試過晒，但鼻上嘅黑頭依然多如恆河沙數，好比搭巴士坐前面位個阿伯嘅頭皮！

最近呢款泰國黑頭貼好hit呀，平時常見嘅黑頭貼就係整濕少少個鼻再貼上去，等到佢乾就撕落嚟嘅，呢款就要搽一層薄薄嘅凝膠喺鼻上面，再貼面膜紙嘅。係就係冇咁方便，不過勝在又平又強效呀嘛！

有個黑頭少女就話佢將疊面膜紙用晒，得返啲凝膠，但又頂唔順成個鼻都係黑頭，所以就試下撕啲單行紙落嚟頂住檔先喇！嘩唔講仲為佢做功課壓力太大，想當自己塊面係記憶麵包呀。

過咗一陣，唔知效果點呢？燈燈燈凳！係大豐收呀！單行紙都一樣可以成功將將成個黑頭粉刺森林連根拔起！見到收穫咁豐富嘅畫面，真係好治癒。不過一諗到個鼻頭得返一個二個窿窿就……突然密集恐懼症發作?。

封面圖片、資料來源連結：dcard