平時日日對住屋企人可能覺得佢哋好煩，但到你冇得見嗰陣，你就自然好掛住佢哋㗎喇！

就好似呢位叫Leah嘅4歲小妹妹咁，佢老竇因為要去外地工作嘅關係，已經成兩個月冇見過Leah。Leah諗住今年生日未必有得同老竇一齊慶祝啦，點知就喺Leah生日嘅前一日，佢老竇飛咗返嚟，仲請Leah媽咪先帶走Leah，等佢可以用個大紙箱裝住自己，扮包裹咁嚟畀實派Leah?！

而有Leah媽咪嘅配合，呢個「速遞老竇計劃」進行得非常順利，Leah同媽咪一入到屋，佢哋就見到呢個巨型包裹喇～Leah逐層逐層咁撕開啲包裝紙，一打開個紙箱……登登登櫈，係已經有兩個月冇見嘅老竇呀！

果然Leah一見到老竇喺紙箱入面就興奮到大叫，仲即刻攬到老竇實一實唔肯放手?～wow！kind of sweet！

睇埋片：

btw，阿囡表示：「（設計對白）雖然我見返爸爸係好開心呀，但你都唔好咁慳皮、自己做埋禮物好喎！快畀買過份禮物畀我呀！」

資料來源：dailymail