出得嚟行，最忌就係同人撞衫褲鞋襪。嗱！話口未完，呢度又有位日本網民喺街同人撞鞋撞到應一應喇！之不過，今次同佢撞鞋嘅竟然係大家平時都搭開嘅電梯？

咦，呢位網民對間條帆布鞋又真係同電梯上面嘅直紋毫無違和感喎，簡直係100% match～好彩毛毛平時玩得數碼暴龍機少，所以先冇眼殘以為佢冇腳啫！話時話，呢位網民對鞋個pattern同條電梯咁似，行上電梯嘅人會唔會唔小心踩親佢㗎？

另外，有日本妹豬見到呢位網民張相之後，都話自己條裙咁啱同條電梯撞到正喎。

一不離二，二不離三，毛毛以為有著住「電梯同款裙」嘅妹豬同呢位著住「電梯同款鞋」嘅網民相認已經好神奇啦，點知有另一位著住「電梯同款褲」嘅網民都上咗水同呢兩位網民相認！嗚哇，呢啲咪緣分囉哈利！

btw，其實唔小心同條電梯撞到應一應又點吖？呢位大媽條金色閃令令leggings同個刨絲器撞到正咪又係咁～fat唇嘅嘢，喺日常生活中攞下idea有幾出奇啫？

資料來源：Phant0m_Girl／twitter、perusya_kt_1031／twitter、donageron／twitter、張瑜真‎／●【爆料公社】●、Yahoo奇摩拍賣

回帶：【密集恐懼】Fashion嘅嘢，你識條褲咩！

回帶又回帶：【現代聊dry】隔離墩妖精