2017年01月28日 星期六
【夠晒應節】望咩望，未見過人哋用尖叫雞嚟做門神呀？
喂喂喂，親戚批鬥大會嘅第一日（即係年初一）已經嚟到尾聲喇喎，你哋今日戰況慘唔慘烈呀？唔想嚟緊嘅日子都係咁慘烈？等毛師傅過兩招畀大家啦～學嘢喇！
嗱，好似呢位台灣網民咁搵膠紙將隻尖叫雞黐喺鐵閘度當門神，幾兇猛嘅親戚嚟到都畀隻尖叫雞震懾到啦係咪先？聽到有人問你有冇女朋友、搵幾錢人工、買到樓未，咪用尖叫雞嘅聲浪蓋過佢哋把聲囉，55。
而且話晒今年都係雞年，你哋話有邊個門神可以應節得過尖叫雞嘞！
再講吖，隻尖叫雞何止可以做門神，直頭做門鐘都仲得呀！3D立體發聲門神你哋見過未吖？
Between，其實尖叫雞嘅用途仲有好多嘅，好似話將佢黐喺車尾位置用嚟做倒車神器呀咁，呢啲咪臭係真真正正嘅「聽聲停」囉……嗯，如果你唔介意架車係撞到再彈開之後先有聲嘅話。
