唔知點解，換面app呢家嘢大家好似玩極都唔厭咁嘅。繼早前有日本網民利用「可愛bb仔 x 心寒Thomas火車頭」呢個組合影出堪稱史上最恐怖換面照後，最近有台灣網民都跟風影咗大量Thomas換面照喎！一齊睇下～

話說，最近有台灣網民就同幾位同學仔一齊叫M記外賣做宵夜啦，不過唔知邊個手殘叫錯咗開心樂園餐呢，一打開啲外賣，入面竟然有件Thomas火車頭玩具喎……嗱，既然咁難得有件Thomas火車頭玩具喺度，梗係要同佢瘋狂換面啦！

不過咁，逐個逐個影個效果都好似仲未夠震憾啵……咦，唔知全部人一齊同Thomas換面個效果又會係點㗎呢？

唉你班友仔真係想激死霞姨……國師已經幫你哋同Thomas換咗面㗎啦，你哋啲手手腳腳咁都唔識擺返個驚嚇啲嘅甫士嚟配合一下嘅？精神啲，再影多張！

……ok fine，毛毛收貨。

資料來源：dcard

睇埋：呢張會唔會係史上最恐怖嘅換面照？