嗱，拳頭咁大個砂煲大家就見得多啦，咁唔知拳頭咁大粒珍珠大家又見過未呢？各位觀眾，係多啦A夢個拳頭咁大粒嘅珍珠呀！

話說，最近有位台式飲品店店員喺煮珍珠期間無意中發現咗粒巨型珍珠，呢粒巨型珍珠足足比平時正常size嘅珍珠大十幾倍有多，呢位店員話自己做咗成廿年人都未見過咁大粒珍珠㗎！既然遇到廿年難得一遇嘅巨型珍珠，梗係切開嚟睇下先啦！開嚟見我！

吖，又估唔到粒巨形珍珠咁硬淨啵～幾經辛苦，終於將佢一分為二，二分為四！

呢位店員話，仲以為切開咗粒巨形珍珠之後會有雀仔蛋呀、鴕鳥蛋呀、恐龍蛋之類嘅嘢喺入面爆出嚟，點知原來入面係乜都冇嘅，所以冇咩事嘅話佢都係返出去做嘢先喎，55。

btw，雖然呢位店員口口聲聲話自己係唔覺意先至煮咗粒貢大嘅珍珠出嚟，但毛毛知道真相笨唔係貢……以毛毛9估，呢位店員肯肯定係電影《超級學校霸王》嘅忠實fan屎，所以就學聖育強中學門口對出個魚蛋檔小販咁嚟一招寶物沉歸底，特登煮粒咁大粒嘅珍珠出嚟收喺底！

（PS：sor9ry for cap得張衛健咁樣衰。）

資料來源：dcard