去過日本旅行嘅都知唔係間間餐廳都會提供中文餐牌，如果你又唔識睇日文餐牌，咁點算好呢？哦，唔緊要，好多日本餐廳都會放食物模型喺度㗎嘛，望住啲模型咪知自己想食咩囉～唔係講笑，日本製嘅食物模型真係整到同真嘅食物一L樣㗎！

日本製嘅食物模型整得有幾真？毛毛而家就用圖嚟答大家。

嘩嘩嘩，邊個擺碗味噌湯喺部printer度陰人呀？想玩扮公室政治都唔係咁玩法呀⋯⋯阿邊個仲唔嗱嗱聲拎條毛巾嚟抹咗佢？再唔抹因住畀阿姐＿7你呀！

定啲嚟，唔使緊張⋯⋯雖然表面上佢係一碗畀人倒瀉咗嘅味噌湯，但實際上，佢係一個電話座嚟㗎！大家睇下，部電話企得幾穩陣～

跟住呢個⋯⋯咦，抹茶配花見糰子？正喎喂！

乜你以為佢係抹茶配花見糰子咩？sorry，抹茶配花見糰子只係佢表面上嘅掩飾，其實佢都係一個電話座嚟嘅～呢兩個電話座之唔係日本一間專門整食物模型嘅公司出品㗎囉，呢個味噌湯電話座最近先喺twitter畀一眾網民瘋傳咋嘛！

除咗食物模型電話座之外，呢間公司都有唔少其他產品，就好似有菇菇頭箍呀、意粉心口針呀、沙律醬西生菜書簽同白飯磁石貼呀咁，真係件件產品都令人有種想一啖咬落去嘅衝動呀！

btw，雖然呢啲產品真係整得好靚、好似，但O緊T嘅時候就最好唔好出現喺毛毛面前囉⋯⋯

資料來源：iwasaki_sample／twitter