次次走入髮型屋都需要極大嘅勇氣⋯⋯因為，你根本就估唔到髮型師會剪靚你個頭定係剪7你個頭！所以話呢，每次剪頭髮都係一場賭博嚟㗎！而最近，有位賭輸咗嘅日本網民就將自己瞬間變7頭一事喺twitter同大家開心些牙。事不宜遲，即刻睇下佢個頭有幾7剪成點先！

咦喂，做咩啲頭髮成個梯形咁嘅？雖則呢位網民話剪呢個頭都只係需要1000円，喺日本嚟講算係幾平啫，但阿髮型師你都唔使剪到佢個頭咁呀？你哋話嘞，呢位網民剪完個咁7嘅梯形頭之後仲點溝女？仲點面對自己啫？唉，今次真係唔使問都知呢位網民嘅心理陰影面積係上底加下底乘高除以二喇⋯⋯

有網民表示，其實睇睇下都幾順眼，幾有大自然氣息，幾似樹吖！

唔想似樹嘅話，似巨菇蟲又得⋯⋯

似成日傻笑嘅山田同學都得⋯⋯都係睇你點睇㗎啫！

btw，講到卡通人物髮型嘅嘢，淨係你個日本仔先有得似山田同學咩？呢位台灣婆婆夠似《忍者亂太郎》入面個校長咯！嗱，呢位台灣婆婆咪就係費時出街，所以叫孫仔幫手修下啲頭髮，點知就畀孫仔剪到個頭咁樣樣囉⋯⋯連老人家都carry得個眉上極短瀏海咁好，真係估唔到呀下！

老老竇竇，其實7頭又有咩好怕喎，希望在明天吖嘛！

資料來源：nomorehole2／twitter、kaomoji_pokemon／twitter、Kim Wang‎／●【爆廢公社】●

延伸閱讀：

【喊出嚟】我係要空氣瀏海唔係空虛瀏海囉唔該！

我想個髮型似《龍珠》嗰個悟空，唔係《西遊記》嗰個悟空呀！

【瞬間減齡】衰仔幫阿嫲剪頭髮剪到咁樣樣？