鉛水事件發生咗咁耐，除咗有政黨發起全港屋村驗水，同埋派吓大陸樽裝水畀受影響嘅居民之外，到底正苦仲做過啲咩呢？

N年前正苦話過會成立獨立調查委員會調查鉛水事件，去到今日終於公佈委員名單啦，主席將會由陳慶偉法官擔任。

一日最衰都係Eric Chan啦，搞到咁耐先公佈名單，我哋呢啲小巿民好心急豬㗎嘛......不過個委員會話就話成立咗，但原來佢個調查範圍係唔包括搵出邊個要為呢件事負責㗎，淨係分析吓事件成因呀，睇吓而家嘅監管制度係咪妥當呀咁。如果要搵人問責，可能又要等多1999個禮拜再成立多個「找出誰是鉛凶孭飛負責祭旗委員會」。

真係多L謝正苦啦，唔成立專責委員會調查，我真係唔會知道鉛水事件成因係因為有人用料不當，監管制度有漏洞先會發生呢件事！不過正苦成立得委員會，一定會調查到我哋廢青唔知嘅事嘅！

暗角七警單案都未等到結果，今次呢單等到2046年就會有結論㗎啦 （應該係）！等吓啦你哋！

資料來源：蘋果日報、星島日報、商業電台