呢個小丑鐘，少年，如果你不是太年輕嘅話，應該都會對佢有啲印象、有啲回憶、有啲共鳴。冇錯，佢就係以前細細個去親吉之島總店都會見到嘅音樂大鐘，逢搭正12都會播音樂，然後就會有3個公仔彈出嚟，郁下郁下咁，我細個點都要睇埋先肯走㗎。

呢個鐘，由1987年到而家，已經有28年歷史喇，雖然未算好老，但機器都壞喇，冇咗報時呢個功能，有街坊見到就留咗言表示大鐘係佢嘅童年回憶，希望大鐘可以早日康復。

但係，有再年輕啲嘅一個街坊，行過見到呢個鐘嘅時候，就有180度嘅睇法。可能係佢睇得batman太多啩，佢覺得隻小丑好恐怖呀！

一個小丑鐘，就見到好大個gap喇，我指generation gap呀。嗯，我冇咩望，淨係希望有日，呢啲gap唔再存在，幾代人都可以好好溝通，大家都會識得欣賞大家嘅文化咋。