前幾日張曉明發表嘅「特首超然論」，震驚咗13億人！

佢話喎，雖然香港有所謂嘅行政立法司法三權分立，但係特手嘅地位係超然於佢哋嘅（好似係）。咁咪即係佢話晒事？班黃屍廢青梗係唔滿意啦！搞到689今日都要出嚟澄清返，話張曉明只係講「超然」而唔係講「凌駕」，你班黃屍跟車太貼，get錯晒啦！

係咯，明明超然呢個字就係解「超脫世俗」，即係已經超脫於塵世間嘅一切事物：

而凌駕只係解作超越咋，擺到明超然係高level過凌駕好多啦！你班廢青屈689凌駕係三權之上，完全貶低咗689嘅地位呀！

毛毛肯肯定張曉明其實只係想讚揚吓689嘅政績已經超脫咗世俗，無人能比，一切喺佢眼中只係浮雲嚟。如果689將來唔做特手，都可以考慮吓做言語偽術師喎！

資料來源：漢典、文匯報