強國同胞真係好偉大，偉大到毛毛眼濕濕！

唔少同胞都趁國慶假期周圍威，好似長城咁，3日就有成9萬個同胞去做好漢！咁你知啦，（強國）人多就自然垃圾都多，係大自然定律嚟嘅。

但有少見多怪嘅清道夫就竟然不識好歹，走埋去叫尊貴嘅遊客唔好亂扔垃圾！同胞其實係有苦衷㗎，你見佢去登長城就知佢係個有文化嘅人啦，又點會咁冇公德心？有遊客話：「不扔垃圾清潔工不就失業」！完全係人文關懷嘅表現，包含住高尚情操，如果岳飛聽到，都會紋「亂扔垃圾」上背脊！

「我不…，…不就…」呢句句式既簡短又可以講出某啲行動嘅背後原因，其實好多人都啱用㗎！

封面圖片來源：三立新聞

資料來源：三立新聞