而家愈嚟愈多人嬲豬的士bb，所以有街坊就發起群組，約埋一齊搭的士返屋企，起碼大家些牙車費，平少少，條氣順返啲嘛～

泥鯭群組原本係大埔街坊發起先嘅，跟住連馬鞍山都有喇！有車嘅街坊順路車埋人返屋企又得，冇車嘅想搭順風車又得，大家約埋一齊搭的士都得～得咗！嗱，順風車唔係無牌的士呀，admin講明係義載，不過街坊可以些牙隧道費，win win雙贏！

唔止環保又慳錢，有大埔朋友仲喺車上發現街坊個阿哥原來就係自己中學同學！一程短短嘅車程就成就咗一段緣份，毛毛都想搭下順風車順便識返個女神呀！

之前西柚就搞街頭直播撐港隊，而家大埔同馬鞍山又有順風車group，毛毛最期待嘅畫面出現鳥，就係獅子山下體現香港精神喇！

封面圖片來源：大埔街坊泥鯭、搭順風車返馬鞍山屋企專頁

資料來源：大埔街坊泥鯭、搭順風車返馬鞍山屋企專頁

延伸閱讀：【西環好嘢】街坊搞街頭直播撐港隊！