眾所9知，前幾日汲水門大橋發生撞橋意外，啲市民又唔知有咩其他方法可以出入大嶼山，搞到幾麻煩呀......不過為咗表示正苦係幾咁重視今次呢單嘢同埋香港嘅基建，今朝689喺會見傳媒嘅時候，都同大家大談香港嘅基建問題，講講下仲扯埋......機場第三條跑道嚟講?～佢話三條跑道點都好過兩條跑道喎！

又幾有道理喎，多就梗係好過少㗎啦（好似係）！喂，咪住先，孽瘤嗰條計唔計㗎？如果計埋嘅話，香港咪有4條跑道囉......跳起yeah！不過孽瘤一早就已經講咗，話唔好第三條跑道未起好就搵佢做住先喇......

而有網民就將689呢句金石良言變咗做萬能key，仲整咗個「N+1樣嘜嘜點都好過N樣乜乜」句子生成器?～

btw，其實三間電視台都好過兩間電視台㗎，正苦會唔會考慮下發埋牌畀......呀！都係冇嘢......以亞視永恆不變嘅定律，睇嚟第三個牌都應該會畀返亞視嚕～

封面圖片來源：蘋果日報

資料來源：香港政府資訊中心、明報、slot.miario.com