有讀者Cherry就話自己去咗珊瑚島食好西～唉，你就好啦，毛毛仲要喺office扮工呀！不過Cherry話去到間鋪已經閂咗門嚕......喂咪住先，點解個「CLOSE」字下面又有咁大個「親密」嘅？

毛毛真係睇唔透！點解你要同我講你閂咗門，想叫我走，但同時間又話想同人哋親密啲啫？你咁樣欲拒還迎法，真係想玩死人咩......呢種感覺就好似毛毛對住啲女神嗰陣一樣，一時叫你唔好搵佢，一時又話好悶想傾下計咁......

而有另一個讀者Rachel都話自己去咗旅行，仲要係毛毛最鍾意嘅日本?！但佢竟然去到日本新宿咁遠都搵到陳冠希牌嘅餐具？真係太不可思議喇～

你哋唔好再笑9人哋喇好嗎？Edison牌餐具譯做陳冠希牌有咩所謂喎！食好東西梗係要用陳冠希牌餐具㗎啦......咩啫，張嘢上面咪寫住用呢款餐具可以食得靈活啲囉～

延伸閱讀：想食好西，首先你要識translate