係人都知小儀係美女廚神，最叻煮嘢食㗎啦～不過原來佢做生意都巧叻叻，做緊車仔麵鋪腦細㗎喇，佢間鋪頭噚日仲贊助咗100碗麵嚟派畀班街坊?！

而有義工就驚一班公公婆婆唔知道有麵派，仲親身將啲麵送到佢哋手上～

咁又係嘅，而家啲紙皮愈嚟愈唔值錢，班公公婆婆執成日都唔知搵唔搵到餐晏仔食，突然有碗靚麵送畀佢哋食，佢哋就梗係笑到見牙唔見眼啦～

最後小儀都喺自己個page度話：「有意義嘅工作，希望大家都做多一點！多謝大角咀街坊幫忙！大家一同加油！」～嗚哇，冇人話畀45個like同share佢，佢都主動請街坊食麵，小儀真係好有愛心呀！

封面圖片及資料來源：Kitty Yuen Siu Yee、Chan Cheuk Yiu