嗱有咩事三口六面拆掂佢，搞時搞唔好搵老人家吓。大台竟然叫咩都唔知嘅修哥同羅蘭姐去支持網絡23條嘅記者會，現場正反兩方打晒交咁滯，搞到兩個老人家困咗喺會場呀！

修哥話係公司點佢嚟撐網絡23條，話「係公司通知叫我嚟，問我支唔支持言論自由同打擊盜版吖嘛，我支持言論自由同打擊盜版，其他嘢就唔知啦。」今次呢條條例唔係針對盜版牟利嘅商人，而係燒到普通上網做二次創作嘅平民百性呀！

現場啲人拎住支持言論自由同打擊盜版嘅標語，唔好蝦毛毛讀得書少，毛毛都知咩叫混淆視聽㗎！

以上呢啲嘢都唔做得，你仲好意思舉「支持言論自由」？毛毛真係越講越嬲呀，最快下星期三就再二讀，網絡23條，一定要反！

來源：蘋果日報、小黃紙

想知多啲可以參考返：【媽呀好複雜】網絡廿三條實用詞典