肖友懷遣返大陸，自稱畀嫻姐過咗一棟嘅外婆周紹璇罪成，不過就緩刑三年，大家以為事情終於告一段落嘅時候，外婆又以「人道理由」為肖友懷爭取港人福利啵。

婆婆今次煩咩呢？原來係肖友懷有咗糖尿病呀。雖然佢仲係細路仔，但係飲食冇節制，成日暴食即食麵，食親飯盒都多油又多肉，平日又唔做運動，所以有咗糖尿病呀，婆婆又冇錢畀佢睇醫生，亂咁畀屋企啲藥佢食，搞到病情更加嚴重。

大家都知啦強國要畀咗錢先有醫生理你㗎嘛，婆婆話肖友懷入院4日已經用咗4000幾蚊人仔，婆婆靠「生果金」過日子㗎咋，冇錢畀喇，不如香港政府基於「人道立場」，畀肖友懷返返香港嘅懷抱，入住公立醫院接受治療呀？而醫藥費呢，要求就唔高嘅，同香港人一樣有同等嘅醫療福利就夠喇！

畀肖友懷返香港醫病，就人道立場呀，唔知對香港嘅納稅人嚟講，又人唔人道呢？

封面圖來源：Topick

資料來源:  星島日報