立法會功能組別嘅金融界別議員吳亮星喺立法會度讀咗老朋友send嚟話李乜嫖妓嘅message，今日即刻有金融界嘅組織思言財雋剷爆佢，話吳亮星不代表我呀！

公開信入面話「作為一個立法會議員，其職責應該是敦促警方全力繼續調查事件的真相及尋回失蹤的市民，而不是用如此輕蔑及帶有侮辱性的態度去嘲諷失縱者。吳議員行徑不僅是侮辱了失蹤的市民，更是侮辱了莊嚴的立法會，令他所代表的金融界別蒙羞，更加是侮辱了的自己的人格」毛毛成段都好同意，就係對最尾嗰句有啲保留，有網民好中肯咁更正返：乜佢仲有人格畀人侮辱咩？

佢哋今日仲去咗立法會遞封信畀吳那星，不過佢唔得閒接喎，毛毛就收到老朋友個message話佢搭緊洗頭艇趕緊路所以唔得閒咁話。 

有人話今次事件屬於醫學問題，係由吳那星冇腦而引起，不過思言財雋就突破盲腸，指出咗核心嘅入圍係乜呀！

除咗冇腦之外，咪就係因為有功能組別囉！你都唔使怪到底係邊個天才投票畀佢喇，因為佢係零票當選㗎～

封面圖片及資料來源：蘋果日報、思言財雋 Financier Conscience