人同動物嘅比賽毛毛都睇過唔少，好似嗰啲人同河馬賽跑呀，人同猩猩鬥爬樹呀嗰啲，不過同動物鬥大食就真係未睇過，仲要係小林尊同隻倉鼠鬥呀！！

呢個大胃王比賽係限時內邊個食得最多熱狗就贏，倉鼠仔嘅對手係六屆大胃王小林尊呀！小林尊食大人份熱狗，而倉鼠BB就食納米size熱狗BB（仲有埋啱比例嘅檯仔同水杯仔真係好得意......）。

咁好啦，比賽開始佢哋就係咁食呀食呀食呀食呀食，工作人員一粒一粒熱狗咁遞畀倉鼠仔，小林尊就自己狂塞熱狗入口，仲將啲包沾埋等佢易吞啲?，哎真係睇到都辛苦。

啃啃啃啃啃啃啃啃啃啃......


japjapjapjapjapjapjapjap……

倉鼠仔食得相當有節奏，而小林尊亦都好有速度，最後比賽嘅結果係～～～倉鼠仔以一隻熱狗之差險勝小林尊呀！

估唔到堂堂日本殿堂級大胃王都輸畀一隻倉鼠，真係陰公豬囉，節目仲頒咗個獎牌畀冠軍得主，你睇阿鼠個樣幾咁得戚～


睇返條片呢度，睇幾次都仲係好緊張刺激呀！！


來源：TVBS