天氣咁凍，除咗諗食雞煲定打邊爐，有冇諗過自己仲可以做啲有意義啲事，關心多啲其他人呀？

有網民發起「暖心街店」活動，事先收集大家捐嘅冬季衣物，再喺年廿八嗰日送畀街友。

毛毛都係第一次聽「暖心街店」呢樣嘢，到底係咩嚟嘅呢？原來呢個idea，係嚟自南非The Street Store嘅～唔好見到呢啲design得咁潮嘅卡紙就以為係有咩潮牌搞緊pop up store呀，其實係捐贈活動嚟㗎！係咪同你印象中嘅捐贈活動好唔同先！

香港嘅網民就係畀呢個idea啟發，搞咗個深水埗「暖心街店」喇～到時義工會好似南非The Street Store咁，用卡紙衣架掛起啲衫，又會有鏡同度身軟尺，畀有需要嘅朋友可以好似去行街shopping咁，慢慢揀慢慢襯自己鍾意嘅衫。

有心有力嘅朋友，可以喺年廿八嗰日幫幫手做義工呀。

如果冇時間都唔緊要，捐件衫畀有需要嘅人，一樣幫到好大忙。

毛毛最鍾意event入面呢一句：「施捨不能改變什麼，但尊重可以。」希望大家都可以對身邊嘅人多一份尊重，多一份關心啦。

封面圖片來源：暖心街店＠香港地

資料來源：暖心街店＠香港地、youtube、The Street Store