呢排好興玩一款換面app屎，毛毛得閒都會同阿吳彥祖，碧咸呀等等換面，換完之後發現其實毛毛都幾有潛質做靚仔！不過就唔係個個玩完換面app屎之後都可以發現自己變靚嘅可能性，就好似呢幾位日本網友咁，換出嚟個效果都咪話唔驚嚇！

毛毛覺得呢位網友應該係想試下同個部pad入面位靚女換面，點知換著後面幅牆個電掣，唔通個電掣係有樣嘅…….嗚嘩，毛毛好驚呀，唔想再諗落去喇！

點解呢位日本妹子嗰樣咁似羅茲威爾外星人嘅，唔通……唔通真係有外星人襲地球？哎呀，原來佢係同條頸鏈換咗面呀！睬～做咩要咁玩自己呀？

個換面app屎似乎真係流流哋，好明顯人哋想同老竇換樣啦，點知同咗後面幅畫個樣換咗～不過比起之前嗰兩位網友，呢個換面app屎都算detect得唔錯㗎喇！其實毛毛覺得，呢個app屎係想教育一班想整容嘅妹子，面呢真係唔可以隨便換㗎，一陣嚇親人咯，就唔係咁好啦！

封面圖片、資料及圖片來源：Ritsukokeshi00/twitter、happy_naa /twitter、142113kai /twitter