唔知你哋有冇試過帶唔係好夠錢又唔小心上咗的士，個的士錶路一路跳個心肝仔都一路跳，驚死差一兩蚊都畀個司機鬧到上天花板，不過呢個司機竟然冇剷個乘客呀！

有個小妹妹拎住六十四蚊問司機可唔可以由藍田去到將軍澳，佢竟然唔係講：「冇錢你學人搭的士？！」而係畀佢上咗車先算。

最後程車成八十二蚊不過司機主動提出話唔收小妹妹錢，不過呢位小妹妹都好有原則話一定要畀。

司機大佬真係好均真，本身唔打算收嘅呢六十四蚊就算畀唔返個小妹妹，都想捐咗佢喎。

呢個六十四蚊的故事梗係得到網民大讚啦，連毛毛都睇到好滾動呀！！


你話如果香港多啲好似呢位大俠咁嘅的士司機，人人為我我為人人（粵語殘片聲），社會係幾好和諧，幾咁美好呢！

圖片來源：我的你的紅的