2016年04月03日 星期日
藤原紀香Po全身照曬長腿 後面道門攣咗嘅？
今時今日，喺呢個「飯可以唔食，但Like一定唔可以唔呃」嘅世界，有邊個post相之前唔會執下先㗎？就算唔執下個樣，都要係咁咦tune下啲色啦下話！而有日本網民發現，藤原紀香最近up咗張全身照，條腿仲幾長下㗎，之不過......點解後面道門攣咗嘅？
做咩啫你哋，道門攣咗又唔得呀？乜而家有法例規定門一定要係直咩？計毛毛話，其實道門本身就係攣嘅，肯肯定唔係藤原紀香p相囉！！！
而當毛毛再次上返藤原紀香個blog之後，道門又神奇地變返直喎......唉，你哋睇下啲網民幾霸道，搞到人哋原本冇執都要夾硬執返直道門畀你哋......
嗱，毛毛由始至終都係相信藤原紀香bb冇執相㗎，因為......識拉長腳一定係咁樣樣啦～（P.S.：唔係講笑，毛毛真係見過有人咁執相。）
封面圖片來源：xn--nckxbvb4dwa3cyc.top
